Psalms 57
1हे देवा, माझ्यावर दया कर, माझ्यावर दया कर,कारण माझा जीव ही संकटे टळून जाईपर्यंत
तुझ्यात आश्रय घेतो.
2मी परात्परा देवाकडे, जो देव माझ्यासाठी सर्वकाही करतो त्याचा मी धावा करतो.
3तो स्वर्गातून मला मदत पाठवतो आणि मला वाचवतो,
जेव्हा माणूस मला गिळून टाकण्याची इच्छा करतो तेव्हा तो त्याला धमकावतो;
देव त्याच्या कराराची विश्वासनियता आणि त्याचा विश्वासूपणा मला दाखवतो.
4माझा जीव सिंहाच्यामध्ये पडला आहे; ज्यांचे दात भाले आणि बाण आहेत,
आणि ज्यांची जीभ तलवारीसारखी धारदार आहे
अशा लोकांमध्ये मला जबरदस्तीने रहावे लागत आहे.
5हे देवा, तू आकाशापेक्षाही उंच हो;
तुझा माहिमा सर्व पृथ्वीवर होवो.
6त्यांनी माझ्या पावलांसाठी सापळा तयार केला आहे; माझा जीव वाकून गेला आहे;
त्यांनी माझ्यासमोर खाच खणली आहे,
परंतु ते स्वतःच त्यामध्ये पडले आहेत.
7हे देवा, माझे हृदय स्थिर आहे, माझे हृदय स्थिर आहे; मी गाईन, होय, मी स्तुती गाईन.
8हे माझ्या गौरवी जीवा, जागा हो;
हे सतारी आणि वीणे, जागे व्हा;
मी पहाटेला जागे करील.
9हे प्रभू, मी सर्व लोकांमध्ये तुला धन्यवाद देईल; मी सर्व राष्ट्रामध्ये तुझी स्तवने गाईन.
10कारण तुझ्या कराराची विश्वासनियता आकाशापर्यत महान आहे
आणि तुझा विश्वासूपणा ढगापर्यत पोहचतो.
हे देवा, तू आकाशाच्या वर उंचविला जावो;
तुझा महिमा सर्व पृथ्वीवर उंच होवो.
11
Copyright information for
MarULB